"صوت الوجع " حدوتة بقلم الكاتبة : أية ذهنى

يوسف : انا وحش اوى صديقينى أميرة : لية بتقول كدة انت مش وحش

يوسف :بس انتى تستاهلى واحد احسن منى انتى مفيش زيك أميرة : انت اللى مفيش زيك وبلاش تقلل من نفسك يوسف :انتى ازاى بتصبرى كدة ! أميرة : وهفضل جانبك على طول وهنسيك كل الوحش يوسف :بس انا مش حلو زى ماانتى متخيلة أميرة : حتى لو كنت وحش انا راضية بالحلو اللى شفته منك يوسف :يعنى هتفضلى جانبى . مش هتسيبنى ؟ اميرة :ايوة انا مصدقت لقيتك يوسف :انا ممكن اعمل اى حاجة عشانك اميرة : انت كل حاجة يوسف : وانتى الجنه اللى بعيشها عالارض عارفة اقولك على سر أميرة : قول يوسف :انا عمرى ماحسيت انى بنى ادام الا معاكى انتى بجد متعرفيش انتى اية انتى غير كل الناس انتى اللى معرفكيش معرفش معنى السعادة أميرة :يوسف انت ازاى كدة ! يوسف :انتى اللى ازاى كدة اتكونتى ازاى كدة أميرة :انت عارف فى كل مرة بشوفك بحبنى زيادة من كتر حبك ليا حببتنى فى نفسي اللى كنت زهقت منها

مشهد 2

يوسف : وحشتينى أميرة :وحشت قلبى وعيونى يوسف :انا بحبك اوى أميرة : بس انا بحبك اكتر يوسف :انا مبقتش قادر اعيش من غيرك

أميرة :وانت اصلا تقدر تعيش من غيرى يوسف :لا طبعا مقدرش أميرة :هو انت بجد ولا انا بحلم يوسف :اقرصك طيب عشان تصدقى أميرة : اصل انت كتير ازى يايوسف على واحدة زيي انت اللى اتمنيت انى احلم بيه مش اوصله يوسف :انتى اللى كتير يااميرة عليا انا مش حلو اوى زى ماانتى فاكرة أميرة :تانى !! هتقول الكلام العبيط دا تانى يوسف :خلاص مش هقول حاجة أميرة :هو احنا مش هنتجوز ولا انت ياواد بتتسلى بيا يوسف : اة ياروحى انا بتسلى أميرة :بطل ام هزارك البايخ دا يوسف :بس انا مبهزرش أميرة :يخربيت الرخامة يوسف :طيب من غير رخامة وهتكلم بجد أميرة : اتفضل ياغلس يوسف :احنا نعرف بعض بقالنا قد اية أميرة: ياسلام يعنى مش عارف يوسف :لا عارف بس اللى عاوز اقولهولك اننا من ساعة ماعرفتك من 3سنين وانا بحبك ومن كتر ماانا بحب علاقتنا وقربى ليكى انا خبيت عليكى حاجة وكل مااتشجع واجى اقولك عيونك تمنعنى واخاف احسن تسيبينى عشان انا منغيرك اموت أميرة :خضيتنى يايوسف اية اللى مخبية عليا يوسف : اوعدينى انك متسيبنيش أميرة :اتكلم لو سمحت هموت منك يوسف :انا متجوز أميرة :الله يخليك بطل ام السخافة بتاعك دى يوسف :انا بتكلم بجد أميرة :بجد اية !!! يعنى اية بجد هو اللى بجد بقى بيتكدب فية هو اللى بجد مش هو اللى كنت عايشاة هو اللى بجد انك تبقى غشاش هو اللى بجد انك تبقى كداب هو اللى بجد انك تبقى خاين ياااااه هو دا الجد وجاى تقولى لية دلوقتى واشمعنة دلوقتى !! يوسف :عشان انا بحبك بجد ومش قادر اخبى اكتر من كدة أميرة :قصدك مش قادر تكدب فاكر يايوسف اوى ماعرفنا بعض انا اول حاجة قولتهالك ان الحاجة الوحيدة اللى بكرها فى حياتى هى الكدب وان دى السبب الوحيد اللى تخلينى ابعد عن حد بس انا مش هبعد عنك يايوسف يوسف :كنت عارف انك بتحبينى وهتقدرى أميرة :انا مش هبعديايوسف بس همحيك من حياتى نهائى انت مش هتشوفنى تانى ولا هتعرف عنى حاجة بس استنى صحيح هو انت ازاى كدة !!! يوسف :انا منغيرك اموت يأميرة أميرة : متخافش مش هتموت مفيش انانى بيموت

ومشت اميرة وهى حاسه ان صوت وجع قلبها الدنيا كلها سمعاه وصوت عقلها مش قادر يستوعب هو ازاى فى ناس كانو النور وفجأءة بقوا هما الضلمة !!!